Ang Buhay ni Paurong

a quick question

2006-10-25T12:25:00.000+08:00

paano mo ba masasabing manhid ang isang tao? sa pag-ibig, in particular.

sa kalagitnaan ng paglalakad

2006-10-21T11:49:00.000+08:00

"Napapagod din tayo." - Jian

sa wakas, tapos na ang dambuhalang mga test. tapos na. third grading na pagkatapos ng sembreak pero marami pa ring dapat asikasuhin. may seminar pa kami next week kahit na semestral break. luging-lugi ang mga journalist. matuto naman tayong mapagod. bumili na lang tayo ng burger at shake sa pag-asa.. kahit lakarin lang natin.

nang biglang nag-buzz si kristine.

book report at book presentation

2006-10-19T16:46:00.000+08:00

Trust in the Lord with all your heart, and do not depend on your own understanding. With all your ways, acknowledge Him and He shall direct your path. Proverbs 3:5

natapos na rin ang book presentation namin kanina. natapos ko rin ang book report ko na masyado yatang mahaba. nakakapagod talaga kapag kailangang handwritten ang project. nakakainis kasi hindi ko na naman nakuha yung notebook namin. hmmmph. periodic test na nga pala bukas. marami akong balak. kahit na sa sembreak e meron kaming seminar sa school at kahit na sa katapusan na ng buwan ang deadline ng final manuscript para sa term paper, gusto ko pa ring paghusay ang pagsulat ko. magbabasa na ako ng diyaryo araw-araw katulad noong june. hindi na ako katulad ng dati na tatamad-tamad. nice one, paurong!

kalyo sa kamay

2006-10-17T17:16:00.000+08:00

Aquarius
You're in the middle of things -- the only way to keep cool is to stay confident.

Grabe ang term paper kanina... Woot. Woot.

panalangin at hiling

2006-10-15T11:48:00.000+08:00

Aquarius
If self-doubt enters your day, see it as just stinkin' thinkin' and carry on.

ngayon lang ako lumuhod sa harap. makasalanan ako, inaamin ko, pero hindi lahat ng tao ay nakikita ang tunay na ako. hindi ko alam kung bakit ako ang pinakamasamang tao para sa kanya. linggu-linggo na akong luluhod doon upang manalangin... at hindi titigil hangga't hindi nakakamit ang tangi kong hiling.

national library trek

2006-10-14T18:10:00.000+08:00

Aquarius
Expect mood swings today -- your mind will wander with little (if any) provocation.

naging masaya ang pagpunta namin sa national library para mag-research para sa term paper. kinagabihan, bumaligtad ang pakiramdam ko dahil sa isang maling akala. mood swing nga naman.

Jesus, we're living for Your name

2006-10-13T20:15:00.000+08:00

sa pang-ilang ulit na pagkakataon, umiyak na naman ako. pero hindi naman katulad ng pag-iyak ko noong september 1 kung saan sobra-sobrang luha ang ibinuhos ko dahil sa mga nararamdaman ko. sa nakalipas na isang buwan, ilang ulit din akong umiyak dahil sa nasira naming samahan ng best friend ko. pero ngayon, kinalimutan ko na ang bagay na iyon; nakaharap na ako sa isang mas magandang bukas.

maraming pagbabago simula nang may nawala sa buhay ko. marami talagang dumarating at umaalis sa buhay ng tao. ngunit hindi na ganoon ang dahilan kung bakit ako umiyak ngayong gabi. umiyak ako dahil sa pagmamahal sa akin ni God. laking tuwa ko ng makita ko ang sandosenang kaluluwang naligtas matapos ang fellowship. ang sarap ng feeling. iyak talaga ako ng iyak.

marami pang mangyayari. karamihan sa mga kaganapan ay hindi ko aasahan. marami pang araw ang kailangang kaharapin. hindi ko kailangang matakot dahil nabubuhay ako sa ngalan ni Jesus.

growth gap day

2006-10-13T15:29:00.000+08:00

Aquarius
Growth is a good thing, but try to take a break from pushing yourself today.

manonood kami mamaya ng pelikulang "left behind" sa church. yaon ay based sa libro tungkol sa kung ano ang maaaring mangyari sa mga huling araw ng tao sa mundo. nakakatakot isipin. malapit na ang second coming ni Jesus.

-

belated happy birthday nga pala sa ate ni kristine. like the latter, marami rin akong kailangang tapusin, gawin at paghandaan.

draft for the term paper (my topic is telekinesis) to be submitted on tuesday
national library trip bukas
book presentation sa wednesday
book report sa thursday
movie report (aishite imasu) sa friday
pagtatapos ng notebook sa english
portfolio sa values (ayokong gumawa!)
pagsulat ng story na sinimulan ko last wednesday, entitled HILING
notebook naming dalawa

wala na naman sigurong tulugan! sana makayanan ng fourth year pilot (acts, amos, chronicles) ang mga dapat na tapusin.

the mediator

2006-10-12T16:29:00.000+08:00

AQUARIUS
Today, try to be the mediator and make yourself the glue amongloose factions.

nag-ingles-inglisan na naman ako sa mapeh kanina. lesson namin ang tungkol sa marriage. nakakainis isipin na sa ganoong mga simpleng bagay na tinatalakay namin ay kakaunti lang ang may lakas ng loob na sumagot o magpahayag ng saloobin gayong maaari namang magsalita ng tagalog. pero siyempre, english pa rin ang ginagamit ko.

nakakatuwang isipin na nagbabasa na ako ng el filibusterismo. naaalala ko tuloy noong third year na nangalahati lang ako sa pagbasa ng noli me tangere dahil sa katamaran ko. pero hindi ibig sabihin na hindi ko alam ang nobelang yaon. nakakabitin ang naging talakayan namin sa kabanata 11 (sa los baños) at kabanata 12 (placido penitente).

hindi na talaga ako mapigilan sa mga pagsagot ko. sinabi ko na sa aking sarili na kailangan akong sumagot ng sumagot at hindi lang basta-basta nakikinig sa lesson.

pinanood namin sa physics lab ang kung anong video ng rizalian to fame, isang kasalukuyang contest sa school namin, kung saan itinatampok ang mga talentadong mag-aaral ng paaralan. kasama sina arvin, sharyl at rovie sa patimpalak. wala man akong karapatan, nag-aalala ako sa kalagayan ni arvin sa mga klase niya; halos hindi na kasi siya pumapasok at hindi na rin siya nagpapasa ng mga kailangan.

may isang bagay lang akong napansin kahapon. ang husay pala talagang sumayaw ni sharyl sa talent portion ng rizalian to fame. pinanood ko sila habang paunti-unting pumapatak ang ulan. napansin ko ring parang tumanda ang hitsura ni arvin at kamukha niya pala ang tatay ko. habang pinagmamasdan ko ang sayaw nila ay nakita ko si kristine sa bandang likuran ko.

masasabi kong katulad ang klase namin sa physics sa isinaad na klase sa pisika sa kabanata 13 ng el filibusterismo. sang-ayon sa akin ang ilan kong kamag-aral. magaling ang aming guro ngunit hindi ko na makita ang nakita ko noong husay niya.

ibinalik ko na kay kristine ang notebook. pagkapasok nila ng kaibigan niyang si peco sa canteen sa sedp ay inilapag ko ang notebook nang hindi nagsasalita at bumalik na lang sa classroom. ngayon ko lang isinauli ang notebook dahil sa tag niyang:

"9 Oct 06, 18:04
enix: hey, jonell, bka blak mo ko pasulatin sa nokbuk natin...(ahem, natin..) namimiss ko n un.."

matagal ko kasing hindi ibinalik ang notebook dahil sa pagiging unreasonable ko. ipinaliwanag ko naman ang nararamdaman ko. gusto ko talagang humingi ng patawad sa kanya dahil sa pagiging unreasonable ko.

nang mapadaan naman si jordan sa building namin, kasama sina febe at isang hindi ko kilala, ay pinagbuhat niya ako ng isang baldeng tubig na ayon sa kanya ay may lamang mga kiti-kiti. marahil ay gagamitin nila yaon sa kanilang investigatory project. pagkarating namin sa classroom ng III-1 ay nagulat ang lahat, kasabay ang bulungang "si jonell", dahil sa pagbitbit ko ng balde ng tubig.

ngayong araw gaganapin ang rizalian pop superstar kung saan kasali sina pamela, angela at donna (na mga kaklase ko). wala akong balak na manood. ew.

still breathing

2006-10-11T17:00:00.000+08:00

sa loob ng isang minuto
ang lahat ay biglang nagbago
kasabay ng paglaho
ng kanilang mga anino